СҮХБААТАР ДҮҮРГИЙН БАГШ НАРЫН 47 ДАХЬ ӨДРИЙН
ЁСЛОЛ ХҮНДЭТГЭЛИЙН ҮЙЛ АЖИЛЛАГААГ ЗОХИОН БАЙГУУЛАВ
2013.01.27
Монголын багш нарын баярын 47 дахь өдрийг тохиолдуулан Сүхбаатар дүүргийн багш нарын баярын ёслол, хүндэтгэлийн үйл ажиллагааг Хүүхдийн ордонд зохион байгуулав. Ёслол хүндэтгэлийн үйл ажиллагаагаар 2012 онд ажил үйлсээрээ манлайлан ажилласан дүүргийн мэргэжлийн аварга багш, шилдэг удирдлага, хамт олныг шагнаж урамшууллаа.
Сүхбаатар дүүргийн 2012 оны тэргүүний ерөнхий боловсролын сургуулиар Д.Энхжаргал захиралтай 11-р сургууль, Ж.Мягмарсүрэн захиралтай “Кингс кидс” дунд сургууль, тэргүүний цэцэрлэгээр Х.Тунгалаг эрхлэгчтэй 25 дугаар цэцэрлэг, Л.Оюунчимэг эрхлэгчтэй “Үрэл хотхон” цэцэрлэг, шилдэг захирлаар 1 дүгээр сургуулийн захирал Ц.Гүррагчаа, Хобби сургуулийн захирал Д.Оюунцэцэг, шилдэг эрхлэгчээр 17 дугаар цэцэрлэгийн эрхлэгч Ц.Батнасан, “Буман жаалууд” цэцэрлэгийн эрхлэгч З.Гэсэрбадам нар шалгарч, Өргөмжлөл, мөнгөн шагналаар шагнагдсан байна.
2012 онд ажил үйлсээрээ улс, нийслэл, дүүргийн багш нарыг мандлайлан ажилласан ажлын амжилтыг нь үнэлэн Боловсролын тэргүүний ажилтнаар 35, жуух бичгээр 24, мэргэжлийн аваргаар 19, Боловсролын шинэчлэлийн үйлст оруулж буй хувь нэмэрийг үнэлэн Засаг даргын Өргөмжлөлөөр 27 багш, нийт 119 багшийг шагнаж урамшуулж, багш нарт дүүргийн Засаг дарга хүндэтгэл үзүүлэн мэндчилж, 1, 6, 31 дүгээр сургуулийн багш нарын хүндэтгэлийн урлагийг тоглолтыг толилуулж, шилдэг бүтээлч багш нарын бүтээлийн үзэсгэлэнг танилцуулсан байна.
МЭДЭЭЛЭЛ БЭЛТГЭСЭН НИЙГМИЙН ХӨГЖЛИЙН ХЭЛТСИЙН МЭРГЭЖИЛТЭН С.ГАН-ЭРДЭНЭ
No comments:
Post a Comment