Төсвийн төвлөрлийг сааруулах үйл явц ба орон нутгийн төлөвлөлт, төсвийн үйл явц дахь иргэдийн оролцоо

Ерөнхийлөгчийн тамгын газар, Нээлттэй нийгэм форумаас хамтран зохион байгуулах Төсвийн төвлөрлийг сааруулах үйл явц ба орон нутгийн төлөвлөлт, төсвийн үйл явц дахь иргэдийн оролцоо сэдэвт хэлэлцүүлгийг Төрийн ордон дахь Ерөнхийлөгчийн Иргэний танхимд болов. Тус хэлэлцүүлэгт манай улсад дээрх асуудлаар туршлага судлахаар хүрэлцэн ирээд буй Казакстан улсын төрийн болон төрийн бус байгууллагын төлөөлөгчид оролцож хэлэлцүүлгийн сэдвийн хүрээнд оролцогчидтой туршлага, сургамж хуваалцлаа

“Иргэдийн оролцоог нэмэгдүүлэх нь” сургалт болж байна

Нийслэлийн Иргэдийн танхимд өнөөдөр “Орон нутгийн өөрөө удирдах байгууллагаар дамжуулан иргэдийн оролцоог нэмэгдүүлэх нь” сэдэвт сургалт-зөвлөгөөн болж байна. Монгол Улсын Ерөнхийлөгчийн Тамгын газраас санаачлан Конрад Аденауэрын сангийн санхүүгийн дэмжлэгээр энэ сарын 12,13-ндуг сургалт-зөвлөлгөөнийг Нийслэл, дүүргийн ИТХ-ын төлөөлөгчид, Хурлын ажлын алба, иргэний оролцооны хэлтэс, иргэний танхимын ажилтнууд,  Иргэдийн нийтийн Хурлын тэргүүлэгчид, иргэний зөвлөлийн гишүүд, бүх шатны Засаг дарга нар, ЗДТГ-ын иргэдийн өргөдөл хүсэлтийн асуудал хариуцсан мэргэжилтэн, албан хаагчдад зориулан зохион байгуулж байгаа юм.

Налайх дүүргийн хорооны ИНХ, Иргэний танхимд

Монгол Улсын ерөнхийлөгчийн 176-р зарлигаар батлагдсан “Шууд ардчилал иргэдийн оролцоогоор дамжуулан төвлөрлийг сааруулах үндэсний, дунд болон урт хугацааны бодлогын баримт” бичиг, НИТХ-ын даргын 2012 оны 17-р захирамжийг хэрэгжүүлж, Нийслэлийн хороодод байвал зохистой дүрэм, журмуудын талаар иргэдэд мэдлэг олгох хичээл сургалтууд Нийслэлийн 152 хороонд гурван шатлалтайгаар үргэлжилсээр байна. 3-р сарын 16, 17-нд Налайх дүүргийн иргэд хамрагдана.

Сонгинохайрхан дүүргийн 5,6 дугаар хороодын иргэд, оршин суугчид аа!

Нийслэл хот дахь гэр хорооллын газарт дахин төлөвлөлт хийж барилгажуулах эхний ээлжийн төлөвлөлтийн талаар Сонгинохайрхан дүүргийн 5, 6-р хороодын оршин суугчид, үйлдвэрлэл, үйлчилгээ эрхлэгчдийн дунд нээлттэй хэлэлцүүлгийг 2013 оны 1 дүгээр сарын 27-ны 13 цагаас тус дүүргийн Ерөнхий Боловсролын 9 дүгээр сургуулийн спортын зааланд хийх тул иргэд та бүхэн идэвхтэй оролцоно уу. Энэ төлөвлөгөөг хэрэгжүүлэхэд  аж ахуй эрхэлдэг болон оршин сууж байгаа иргэдийн санал, оролцоо, дэмжлэг нэн чухал тул нийслэлийн удирдлагууд болон холбогдох мэргэжлийн байгууллагууд та бүхэнтэй уулзан санал бодлыг тань сонсож ярилцан, хамтран ажиллах төлөвлөгөөг боловсруулах тул та өөрийн оршин суух тав тухтай байдлын талаарх асуудлаа шийдвэрлэхэд биеэр хүрэлцэн ирж оролцож саналаа хэлэхийг хүсч байна.

Ерөнхийлөгчийн дэргэдэх Иргэний танхимд

Монгол Улсын Ерөнхийлөгчийн эдийн засгийн бодлогын зөвлөх Л.Дашдорж Иргэдийн оролцоотойгоор төсвийн хуулийн хэрэгжилтийг зохион байгуулах нь сэдвээр,  Ц.Энхбаяр Үндэсний хөтөлбөрийн төслийн танилцуулгыг Шууд ардчилал, иргэдийн оролцоог хөгжүүлэх бодлогын баримт бичгийг хэрэгжүүлэх үндэсний хөтөлбөрийн төслийн танилцуулга сэдвээр, Зөвлөх Жон Тейлор Иргэдийн оролцоотой хөгжлийн олон улсын зарим туршлагууд сэдвээр тус тус илтгэл тавьж хэлэлцүүллээ.