Төрийн тахилгат Богдхан уулын тэнгэрийг тайх ёслол

Монгол Улсын Ерөнхийлөгчийн зарлигаар өнөөдөр Төрийн тахилгат Богдхан уулын тэнгэрийг тайх ёслол болов. Богдхан уулын ноён оргил Цэцээ гүний тахилгат овооноо болсон тахилгын ёслолд Монгол Улсын Ерөнхийлөгч Ц.Элбэгдорж, Ерөнхийлөгчийн Тамгын газрын дарга П.Цагаан, УИХ-ын гишүүн, Байгаль орчин, ногоон хөгжил, аялал жуулчлалын сайд Н.Батцэрэг, Ерөнхийлөгчийн зөвлөх Р.Болд, А.Ганбаатар, Ч.Өнөрбаяр, Нийслэлийн ИТХ-ын Тэргүүлэгчдийн дарга Д.Баттулга зэрэг албаны хүмүүс, Төв аймгийн  удирдлагууд, Зүүн хүрээ хийдийн Хамба лам Д.Дамбажав, лам хуврагууд, иргэдийн төлөөлөл оролцов.

С.Зориг агсны хөшөөнд хүндэтгэл үзүүлэв

Төр нийгмийн зүтгэлтэн Санжаасүрэнгийн Зориг агсны хөшөөнд цэцэг өргөх ёслол өнөөдөр боллоо. Ерөнхийлөгч Ц.Элбэгдорж, УИХ-ын дарга З.Энхболд, Ерөнхий сайд Ч.Сайханбилэг нар С.Зориг агсны хөшөөнд цэцэг өргөж, хүндэтгэл үзүүлэв.
Уг ёслолд УИХ-ын гишүүд, Ардчилсан намын удирдлагууд, С.Зориг агсны төрөл төрөгсөд, журмын нөхөд болон албаны бусад хүмүүс оролцож, хөшөөнд хүндэтгэл үзүүлж, цэцэг өргөсөн юм.

Эсгий туургатны үндэсний хувцасны фестиваль

Эсгий туургатны үндэсний хувцасны фестиваль СТӨ-нд болов.

Хубилай сэцэн хааны цэнгэлийн ордон симфони найрал

АНУ-ын хөгжмийн зохиолч Griffes CharlesTomlinson-ы Хубилай сэцэн хааны цэнгэлийн ордон симфони найрлын нээлт СТӨ-нд болов.

Монгол төрийн их дуулал хүндэтгэлийн тоглолт

Хубилай сэцэн хааны мэндэлсний 800 жилийн ойн арга хэмжээний хүрээнд Монгол төрийн их дуулал хүндэтгэлийн тоглолт Чингисийн талбайд болж байна.

Хубилай сэцэн хааны мэндэлсний 800 жилийн ойн нэгдсэн хөтөлбөр

Агуу их Хубилай хаан мэндэлсний 800 жилийн ой тохиож байгаа билээ. Хубилай хааны мэндэлсний ойд зориулсан ёслолын арга хэмжээ энэ сарын 15-нд Чингисийн талбайд болсон бөгөөд энэ оныг дуустал түүхт баатрын тэгш ойг тэмдэглэх юм байна. 

Өнөөдөр Улс төрийн хэлмэгдэгсдийн дурсгалыг хүндэтгэх өдөр.

Улс төрийн хилс хэрэгт хэлмэгдэгсдийн дурсгалыг хүндэтгэх өдрийг тохиолдуулан Монгол Улсын Ерөнхийлөгч Ц.Элбэгдорж, Монгол Улсын Их Хурлын дарга З.Энхболд, Улсын Их Хурлын дэд дарга Л.Цог, М.Энхболд, Улсын Их Хурлын гишүүд, Нийслэлийн Иргэдийн Төлөөлөгчдийн Хурлын Тэргүүлэгчдийн нарийн бичгийн дарга бөгөөд Хурлын ажлын албаны дарга Б.Энхболд тэргүүтэй нийслэлийн удирдагууд болон бусад төр захиргаа, олон нийтийн байгууллагууд, хэлмэгдэгсэд, хэлмэгдэгсдийн ар гэрийнхэн, тэдний төрөл төрөгсөд Хэлмэгдэгсдийн хөшөөнд цэцэг өргөж, хүндэтгэл үзүүллээ. Улсын Их Хурлаас баталсан хуулийн дагуу улс төрийн хилс хэрэгт хэлмэгдэгсдийн дурсгалыг хүндэтгэх өдрийг 20 дахь удаагаа тэмдэглэж байна.
Цагаатгах ажиллагаа эхэлсэн 1939 оны 04 дүгээр сарын сүүлчээс хойш 2015 оны эхний 07 дугаар сарын байдлаар 31.1 мянга гаруй хүнийг улс төрийн хилс хэрэгт хэлмэгдсэн болохыг албан ёсоор тогтоон, цагаатган нэр төр нь сэргээгдээд байгаа юм байна.

Ардчилсан хувьсгалын дууч Хонхын хэмээх С.Цогтсайхан агсаны хүндэтгэлийн цогцолбор

Монгол оронд ардчилсан хувьсгал үүсч , ялалт амжилтанд хүрснээр дэлхий дахинаа ардчилсан Монгол Улс гэсэн нэн хүндэтгэлтэй алдар нэрийг бид ард түмэнтэйгээ хамтдаа хүлээж байгаадаа үнэхээр бахархаж байна. Ардчилсан хувьсгал нийгмийн томоохон өөрчлөлт шинэчлэлтийг эх орондоо авчирч, хүн төрөлхтөний жам ёсны хөгжлийн замд монгол түмэн хөл нийлүүлэн алхаж явах тэрхүү түүхэн гавьяат үйлсийг ардчилсан хувьгалын тугийг өргөж боссон тэр л анхдагчууд санаачилсаныг түүх өнөөдөр өгүүлж байна.

Хэлмэгдэгсдийн хөшөөнд хүндэтгэл үзүүллээ

Өнөөдөр Улс төрийн хилс хэрэгт хэлмэгдэгсэдийн дурсгалыг хүндэтгэх өдөр. Жил бүрийн есдүгээр сарын 10-нд дээрх өдрийг тэмдэглэж ирсэн бөгөөд Хэлмэгдэгсдийн төв хөшөөнд цэцэг өргөж хүндэтгэл үзүүлэх ёслол өнөөдөр боллоо. Дээрх арга хэмжээнд Монгол Улсын Ерөнхий сайд Н.Алтанхуяг, УИХ-ын дарга З.Энхболд, УИХ-ын дэд дарга М.Энхболд, Л.Цог тэргүүтэй УИХ, Засгийн газрын гишүүд, Нийслэлийн Иргэдийн Төлөөлөгчдийн Хурлын дарга Дашжамцын БАТТУЛГА тэргүүтэй нийслэлийн удирдлагууд, хэлмэгдэгсдийн төрөл төрөгсөд оролцлоо. Хэлмэгдэгсдийг хүндэтгэх өдрийг энэ удаад 19 дэх жилдээ тэмдэглэж байна.

Цагаатгах ажлыг удирдан зохион байгуулах комиссоос гаргасан мэдээгээр 1922-1990 он хүртэлх хугацаанд хэлмэгдсэн хүний тоо 36 мянга орчимд хүрчээ. Тэдгээрээс 30 мянга орчим нь хилс хэрэгт гүтгэгдсэн болохыг нь тогтоон цагаатгасан юм байна. Харин 1998 онд Улс төрийн хилс хэрэгт хэлмэгдэгсдийг цагаатгах тухай хууль батлагдсанаар өнөөг хүртэлх хугацаанд 17 мянга орчим хүнд нийтдээ 16 тэрбум төгрөгийн нөхөн олговрыг олгожээ.