Б.Өлзийсайхан Дархан-Уулын ИТХ-ынхантай ажиллав.

НИТХ-ын Ажлын албаны Иргэний оролцооны хэлтсийн зохион байгуулагч Б.Өлзийсайхан Дархан-Уулын ИТХ-ынхантай ажиллав.

virus

Миний компьютер нэг л бишээ. Ажил үүргээ мөрөөрөө гүйцэтгэж чадахаа байчихаж. Компьютер маань i5 гэсэн үзүүлэлт өндөртэй сайн эд юмсан. Ер нь миний үгэнд ороод, миний хүссэнээр байж чадахаа байж. Эхлээд аливаа үйлдэл хийхэд маш удаан байдаг байснаа сүүлдээ бүр таг болж гацаж орхидог боллоо. Уул нь миний үнэнч анд юмсан. Би гэдэг хүн ийм нэгэн бэрхшээлтэй учирлаа. Асууж лавлалаа, чаддагаар нь өнөө интернетээ л ухлаа. Тэндээс юу ойлгосон гэхээр өөрийн хэрэглэж байгаа ажлын ганц багажиндаа анхаарал тавьж нэг ёсондоо эзэн нь болж, гадны халдлага буюу вирус гэж нэрэлсэн элдэв юмнаас үргэлж болгоомжилж, хамгаалж, сэрэмжилж байхгүй бол дэлгэцтэй л бол телевизор гэдэг сэтгэлгээнээсээ салаад удаагүй, бас бичгийн машин ч биш юм байна гэж ойлгож ядаж байгаа мань мэт нь гар хоосорч ажил амьдралд маань талх шиг байр сууриа эзэлсэн тийм цахим ертөнцийн цаг үе ирсэн юм байна гэж л ойлгох шив.

Шууд ардчилал-иргэдийн оролцоог хангах стандарт хууль, эрх зүйн орчинг бүрдүүлэх хуулийн төслүүдээр хэлэлцүүлэг хийв

Монгол Улсын Ерөнхийлөгчийн дэргэдэх Иргэний танхимд өнөөдөр Шилэн дансны тухай, Нийтийн зар, мэдээний тухай, Засаг захиргаа, нутаг дэвсгэрийн нэгжийн хэмжээнд нийтийн санал хураалтаар шийдвэр гаргаж хэрэгжүүлэх, эрх зүйн хэм хэмжээ тогтоон мөрдөх тухай хуулийн төслүүдээр олон нийтээс санал авах хэлэлцүүлэг боллоо. Хэлэлцүүлгийг Ерөнхийлөгчийн Иргэний оролцоо, эдийн засгийн бодлогын зөвлөх Л.Дашдорж хөтлөн явуулав.

Алтангадас одонгоор энгэрээ мялаав

Монголын төр, улс нийгэмдээ олон жил үр бүтээлтэй ажилласан иргэдээ төрийн одон медаль,алдар цолоор урамшуулан шагнадаг хуультай.2013 оны 11-р сарын 29-ны өдөр буюу Улаанбаатар хот үүсч байгуулагдасны 374 жилийн ойн өдөр НИТХ-ын ажлын албаны Иргэний оролцооны хэлтсийн зохион байгуулагч Батлутын Өлзийсайхан төрийн Алтан гадас одонгоор шагнагдлаа. Б.Өлзийсайхан Өвөрхангай аймгийн барилга трест, аймгийн ЗДТГ, нийслэлийн ИТХ-ын ажлын алба зэрэгт нийтдээ 20 гаруй жил улс орныхоо бүтээн байгуулалт, төрийн албанд ажиллаж байгаа, эрхэлсэн ажилдаа хариуцлага санаачлагатай, хамт олондоо эвсэг найрсаг уур амьсгалыг бүрдүүлж чаддагаараа хүндлэл хүлээсэн ажилтан юм. Б.Өлзийсайхандаа НИТХ-ын ажлын алба, Иргэний оролцооны хэлтсийн хамт олон чин сэтгэлийн халуун баяр хүргэж амьдрал нь тэгш өөдөө, ажил бүтээл нь шинэ бүхний манлайд байхын ерөөл дэвшүүлье!