Нийслэл анх удаа Иргэдийг хүлээн авах төвтэй болж, энэхүү төв нээгдсэнээр, Нийслэлийн Засаг даргын Тамгын газар болон, харьяа хэлтэс, газруудад ирүүлсэн санал, өргөдөл, хүсэлт, гомдол, мэдэгдэл болон бусад баримт, матөриалыг иргэдийг хүлээн авах төвийн ажилтан хүлээн авч, Нийслэлийн нутгийн захиргааны байгууллага, албан тушаалтнуудаар шийдвэрлүүлэх ажлыг гүйцэтгэж байна. Нийслэлийн бүтцэд Иргэний оролцооны хэлтэс, Иргэний танхим шинээр байгуулж, нийслэлээс гарах шийдвэрт иргэдийн санал бодлыг тусгадаг тогтолцоонд шилжлээ. Шууд ардчиллыг хөгжүүлж, иргэний оролцоог нэмэгдүүлэх ажлын хүрээнд нийслэл, дүүргүүд, 34 хороонд Иргэний танхим байгуулсан байна.
Нийслэлээс хэрэгжүүлэхээр төлөвлөж байгаа асуудлаар олон нийтийн санал асуулга зохион байгуулж иргэдийн дэмжсэн хөтөлбөрийг хэрэгжүүлэх зарчимд шилжлээ. Нэг үгээр хэлбэл нийслэлийн удирдлага аливаа шийдвэрийг гаргахдаа иргэдээс асуудаг болов. Өнгөрсөн хугацаанд дугаарын хязгаарлалтыг үргэжлүүлэх тухай, буруу талдаа жолооны хүрдтэй тээврийн хэрэгслийг замын хөдөлгөөнд нэг өдөр оролцуулахгүй байх тухай, зар сурталчилгааны байгууламжийг буулгаж байгаа ажлыг дэмжих эсэх тухай зэрэг санал асуулгыг явуулж тэдний саналын дагуу шийдвэрлэлээ. Хотын төвлөрлийг сааруулах, иргэдийн амьдрах орчин нөхцөлийг сайжруулахад чиглэсэн нийслэлийн 2013 оны төсвийн төслийг НИТХ-аар хэлэлцэхээс өмнө анх удаа нийслэлийн иргэдээс санал авч нэгтгэсэн юм. Төсвийн төсөлд санал авахдаа 2012 оны 11 дүгээр сарын 20-нд Нийслэлийн Иргэний танхимаар нээлттэй хэлэлцүүлснээс гадна Улаанбаатар сонсож байна лавлагаа мэдээллийн төв, http://ulaanbaatar.mn сайтаар дамжуулан 2013 оны төсөвт иргэдийн саналыг авлаа.
No comments:
Post a Comment