Tuesday, April 5, 2016

Тайван хороо - Таны оролцоо аян

Чингэлтэй дүүргийн хэмжээнд хэрэгжүүлж буй Амар тайван Чингэлтэй хөтөлбөрийн хүрээнд өнгөрсөн оноос эхлэн 'Тайван хороо - Таны оролцоо" аяныг зохион байгуулж байгаа аж. Уг аян өнгөрсөн сард тус дүүргийн 16 дугаар хороонд нээлтээ хийсэн бол өчигдөр сарын ажлаа дүгнэж хаалтаа хийлээ. Уг аяны гол зорилго нь гэмт хэргээс урьдчилан сэргийлэх ажилд иргэдийн идэвхи санаачилга, олон нийтийн оролцоог нэмэгдүүлж, хамтран ажиллах, албан байгууллага, аж ахуй нэгжийн хуулиар хүлээсэн үүргийн биелэлтэд хяналт тавьж, иргэн бүрийн амар тайван аюулгүй орчинд ажиллаж амьдрах нөхцөл бололцоог бий болгоход оршиж байгаа ажээ.
Нэг сарын аяны хаалтын арга хэмжээнд Чингэлтэй дүүргийн ИТХ-ын дарга Д.Бат-Эрдэнэ, ажлын албаны дарга Ц.Алтанцацрал тэргүүтэй албаныхан оролцлоо. Энэ үеэр Д.Бат-Эрдэнэ дарга Бидний санаачилсан хөтөлбөрт өдгөө 1000 гаруй нийтийн эргүүл, 100 орчим цагдаагийн албан хаагч хамтран ажиллаж байна. Үр дүн нь ч сайнаар гарч байгаад талархалтай байгаа.

Энэ ажлаа аян дуусангуут зогсоох биш үргэлжлүүлэн хийгээрэй гэж хүсье. Бүгдээрээ идэвхтэй байж эрүүл, аюулгүй, амар тайван дүүрэг, хороо болохын төлөө хичээе хэмээн уриалсан юм. 16 дугаар хороон дээр зохион байгуулсан аяны хаалтын үеэр Тайван хороо - Таны оролцоо арга хэмжээнд хамгийн идэвхтэй оролцсон хоёр аж ахуйн нэгж, найман иргэнийг Чингэлтэй дүүргийн Цагдаагийн II хэлтсээс шагнаж урамшууллаа. Учир нь, дүүргийн Цагдаагийн II хэлтсийн хамт олон уг арга хэмжээнд хамтран оролцож байгаа юм. Тэгвэл энэ аяны талаар 16 дугаар хорооны Засаг дарга Ш.Жаргалсаихан хэлэхдээ Үр дүнтэй ажил болж өндөрлөлөө. Үүнийг бид цаашид ч үргэлжлүүлэх хэрэгтэй. Нийтийн эргүүлийг гаргаснаар иргэдээ аюулаас хамгаалж, айл өрхийг хулгай дээрмээс урьдчилан сэргийлж, хорооны нутаг дэвсгэрт гэмт хэрэг гарах нь эрс багассан. Мөн хорооноос зохион байгуулж буй ажлыг иргэдэд дамжуулах, иргэдээс ирсэн санал хүсэлтийг хорооны удирдлагуудад уламжлах үүргийг нийтийн эргүүлүүд хүлээж, гүйцэтгэлээ. Нэг үгээр хэлбэл, нийтийн эргүүл гэдэг нь хороо хэмээх төрийн байгууллагыг иргэнтэй холбосон гүүр юм. Нийтийн эргүүлээс өмнө манай хороонд хоёр цагдаа, мөн хоёр туслах ажилладаг байсан. Харин аяны хүрээнд 90 гуцамжинд 90 хүн ажиллалаа. Ингэснээр цагдаагийн ажилд хувь нэмрээ оруулж, гэмт хэргийн гаралт буурсан үзүүлэлт гарсан. Дүүргийн ИТХ-аас сар бүр 15 мянган төгрөгийн урамшуулал олгож байгаа нь нийтийн эргүүлүүдийг    идэвхтэй ажиллуулах хөшүүрэг, нөгөө талаас өрхийн амьжиргаанд тодорхой хэмжээний хувь нэмэр орууллаа гэв. Түүнчлэн нийтийн эргүүлээр ажиллаж буй хүмүүс сургалтад хамрагдаж гаднын халдлагаас биеэ хэрхэн хамгаалах талаар суралцжээ. Чингэлтэй дүүргийн 16 дугаар хороонд нэг сарын хугацаанд 27 зөрчил гарсан байна. Үүнээс гудамж талбайд зөрчил гаргасан 22 иргэнийг 110 мянган төгрөгөөр торгосон бол согтуугаар танхайрсан таван хүнийг түр саатуулж, захиргааны журмаар 7-14 хоног баривчилжээ. Аяны талаар Чингэлтэй дүүргийн цагдаагийн II хэлтсийн урьдчилан сэргийлэх, олон нийттэй харилцах байцаагч, ахмад С.Ганбаатар "Иргэдийн өгсөн мэдээлэл дээр тулгуурлан ажиллах нь бидэнд илүү амар байна. Нийтийн эргүүлүүд цагдаа нарт үнэн бодит мэдээлэл өгнө. Харин манай алба хаагчид мэдээллийн мөрөөр шалгалт явуулж, гарсан зөрчил тус бүр дээр арга хэмжээ авч ажилласан. Уг аяны хүрээнд гэмт хэрэг харьцангуй буурсан үзүүлэлт гарлаа. Үр дүн эергээр гарч байгаад баяртай байна. Нийтийн эргүүлээр ажиллаж байгаа иргэддээ баярлалаа" хэмээн ярьсан юм. 16 дугаар хороон дээр хаалтаа хийсэн уг аян өчигдөр үргэлжлээд 18 дугаар хороонд нээлтээ хийв. Тус хороонд нэг сарын турш энэхүү аяныг зохион байгуулаад ирэх сарын 5-нд ажлаа дүгнэнэ.
Б.МӨНХЗУЛ

No comments:

Post a Comment

1945 2012.09.08 2013 2014 2015 2020-2030 хөгжлийн чиг хандлага 373 374 376 a fine painting Ann Altman Ph.D. concert contrivance Deliberative Dеmосгасy Deliberative Dеmосгасу Deliberative Polling eagle-tv election email facebook gercity.mn Happy City http://ulaanbaatar.mn http://usip.mn map neutrality New year on-line praesidium Prezi referendum Smart UB street view think-tank tv Urban park workshop Алтан Хангарьд Ардчилал Ахмадын зөвлөл Аюушийн ГАНТУЛГА Б.Зууннаст БААТАРХҮҮ Бага нуур дүүрэг Багахангай дүүрэг Байршил Батлутын ӨЛЗИЙСАЙХАН Батмөнхийн ТӨМӨРЧУЛУУН БАТТҮВШИН Бат-Очир Баянгол дүүрэг Баянзүрх дүүрэг Баяр Боловсрол Бүтээл видео Газар ГАНБОЛД Бат-Очир Ганболдын ГАНБАЯР гарын авлага Гудамж төсөл Гэр хорооллын орон сууцжуулах төсөл Дамбийжавын Хүрэлбаатар Дархан-Уул дүрэм Дэлхийн Хот Улаанбаатар Ерөнхийлөгч Ерөнхийлөгчийн дэргэдэх Иргэний танхим ёслол жагсаал Журам Заавал хэвшүүлэх 21 дадал зар Захирагчийн Ажлын Алба Захирамж ЗГ Зочин Зөвлөлдөх Ардчилал Зураглал ИНХ Иргэдийн бүлэг Иргэдийн нийтийн хурал Иргэдийн оролцоо иргэдийн оролцоотой газрын зураглал Иргэдийн оролцоотой төсвийн менежмент Иргэдийн оролцоотой төсвийн менежментийн үндэсний хэмжээний сургалт Иргэдийн санаачилгаар санал хураалт явуулах үлгэрчилсэн журам Иргэдийн санаачлага - Ирээдүйн нийслэлд Иргэдийн санаачлагаар санал хураалт явуулах үлгэрчилсэн дүрэм Иргэн ба 45 Иргэний оролцооны хэлтэс Иргэний танхим ИТХ Ламжавын ШАГДАРРАГЧАА Манай хороо-Миний оролцоо мод тарив Монголын Ардчилсан хувьсгалын 25 жил МӨНХ-ЭРДЭНЭ Чулуун-Очир МУ-ын Засгийн газар МУ-ын Засгийн газрын тогтоол Мэдэгдэл Мэдээ Мэндчилгээ Налайх дүүрэг Нийслэл guide Нийслэлийн иргэдийн төлөөлөгчдийн хурал Нийслэлийн иргэний танхим Нийслэлийн ой Нийслэлийн онцлох 55 шинэчлэл Нийслэлийн өмчийн харилцааны газар Нийтийн зар мэдээний үлгэрчилсэн журам НИТХ НИТХ-ын АА НИТХ-ын Ажлын алба НИТХ-ын Ажлын албаны Иргэний оролцооны хэлтэс НИТХ-ын дарга Д. Баттулга НИТХ-ын Тэргүүлэгчдийн хуралдаан Ном Нутгийн захиргаа Нээлттэй нийгэм форум нээлттэй Улаанбаатар Нээлттэй цаг-UBtv Нямдаваагийн ГАНТӨМӨР Орон нутгийн үндсэн дүрэм Орон нутгийн хөгжлийн сан Орон нутгийн эрх зүй Өглөөний цай С.Зориг Санал хураалт Санамж бичиг семинар Сонгинохайрхан дүүрэг Сонгууль Сорогжоогийн ОЧИРБАТ судалгаа Сургалт Сүхбаатар дүүрэг тайлан татвар ТББ Технологи Тогтоол Төлөвлөгөө Төлөвлөлт Төр хувийн хэвшлийн түншлэл-2015 төсөв төсөл Транспэрэнси Интернэшнл Монгол УИХ Улаанбаатар хот Улаанбаатар хотын нийтийн зар мэдээний журам Улаанбаатар хотын нээлттэй хэлэлцүүлэг Улаанбаатар чуулга Урилга Уулзалт Ухаалаг Улаанбаатар үзэсгэлэн үлгэрчилсэн журам Үндэсний шуудан форум Хамтын ажиллагаа Хан-Уул дүүрэг Хандив ХАРХҮҮ Доноров Ховд аймаг Хороодтой хамтран ажиллах төлөвлөгөө боловсруулах Хорооны иргэдийн нийтийн хурлын үлгэрчилсэн дүрэм Хотыг дахин хөгжүүлэх тухай хууль Хөвсгөл аймаг хөтөлбөр худалдаа хууль Хүн ам Хүүхдийн оролцоо Хүүхдийн оролцоотой - Шууд ардчилал Хэвлэлийн тойм Хэлтсийн үйл явдлын тойм Хэлэлцүүлэг ХЭРЛЭНТУУЛ Жагдаг Цахим сум Чингэлтэй дүүрэг шагнал Шилэн дансны тухай хууль Шинэ жил Шууд ардчилал Шууд ардчилал - Иргэдийн оролцоо Э. Бат-Үүл эмгэнэл ЭНХМАНЛАЙ Сүхээ Эрдэм шинжилгээний бага хурал ЭРДЭНЭБУЛГАН Бээжин эрс шинэчлэл хийсэн дөрвөн жил Эрүүл мэнд яармаг

Санал, сэтгэгдэл, шүүмжлэл