Монгол оронд ардчилсан хувьсгал үүсч , ялалт амжилтанд хүрснээр дэлхий дахинаа ардчилсан Монгол Улс гэсэн нэн хүндэтгэлтэй алдар нэрийг бид ард түмэнтэйгээ хамтдаа хүлээж байгаадаа үнэхээр бахархаж байна. Ардчилсан хувьсгал нийгмийн томоохон өөрчлөлт шинэчлэлтийг эх орондоо авчирч, хүн төрөлхтөний жам ёсны хөгжлийн замд монгол түмэн хөл нийлүүлэн алхаж явах тэрхүү түүхэн гавьяат үйлсийг ардчилсан хувьгалын тугийг өргөж боссон тэр л анхдагчууд санаачилсаныг түүх өнөөдөр өгүүлж байна.
Ардчилсан хувьсгал ямар их үнэ цэнээр ирсэнийг, хичнээн олон хүмүүс ажил амьдралаа ирээдүйн сайн сайхан үйлсийн төлөө зориулсныг манай залуу хойч үеийнхэн тэр болгон мэддэггүй. Ардчилсан хувьсгалын дууч, “Хонхын хэмээх С.Цогтсайхан агсаны гэгээн дурсгалд зориулсан энэхүү хөшөө цогцолборыг санаачлан Баянгол дүүргийн ИТХ-аас дэмжиж тогтоол шийдвэр гаргаснаар бодид ажил болж, ардчиллын анхдагчуудын магнайг тэнийлгэсэн түүхэн дурсгалт үйл хэрэг болж байна.
Ардчилсан хувьсгалын 25 жилийн ойг нэгэн бүтэн жилийн турш тэмдэглэн залуучуудад ардчиллын үнэ цэнэ, хүний эрх,эрх чөлөө, шударга ёс, ардчиллын цаашдын хөгжил, төлөв байдлын талаар сурталчлан таниулах учиртай байсан. Харамсалтай нь ардчилсан хувьсгалын үйл хэргийг сурталчилах чиглэлд дорвитой ажил явагдсангүй.
Ардчилсан хувьсгалчдын , манлайлагчдын түүх дурсгал гэвэл С.Зориг агсаны хөшөө, бүрэн хэмжээний цогцолбор гэвэл С.Цогтсайхан агсаны дурсгалд зориулсан энэхүү цогцолбор болж байна л даа. Энэхүү цогцолбор сүндэрлэн боссоноор ардчиллын түүх, түүхэн үйл явдлыг залуу хойч үеийнхэнд үеийн үед сурталчлан таниулах түүхийн бодит баримт, мөнхийн дурсгал болж байгаагаараа ач холбогдол нь оршино гэж УИХ-ын гишүүн, ХАНХ-ийн сайд, МоАХ-ны дарга асан С.Эрдэнэ ийнхүү дурслаа.
No comments:
Post a Comment