Нутгийн өөрөө удирдах ёс

Монгол улсын Ерөнхийлөгч Цахиагийн Элбэгдорж ерөнхийлөгчийн сонгуульд өрсөлдөхдөө өгсөн цөөн амлалтуудын нэг нь орон нутгийн бие даасан байдлыг бэхжүүлж, төвлөрлийг сааруулах ажлыг улам гүнзгийрүүлнэ гэсэн явдал байлаа. Тэрээр хэлсэн амандаа хүрэхийн тулд өнгөрсөн хугацаанд нэлээд ажил санаачлан хийсний нэг нь төсвийн тухай хуульд нэмэлт өөрчлөлт оруулж, Орон нутгийн хөгжлийн сан байгуулсан явдал юм. Түүний санаачлан зохион байгуулсан энэ сан болон ер нь төсвийн тухай хуульд оруулсан нэмэлт өөрчлөлтийн гол агуулга нь төсвийн төлөвлөлт гүйцэтгэлийн явцад иргэний оролцох боломжийг нэлээд өргөтгөсөн явдал юм. Түүнчлэн Ухаалаг төрийн тухай түүний санаачлагыг энд дурлалгүй өнгөрч боломгүй.

Б.АЛТАНСОЁМБО: ШӨХТГ-аас тавьсан асуудлыг Шүүхийн байгууллагаас захиргааны хэрэг үүсгэн шалгах шаардлагагүй гэж үзсэн

Нийслэлийн нутаг дэвсгэрт жолоочийн замын хөдөлгөөнд оролцоход саад учруулж, зөвшөөрөлгүй газар буюу автозамын нэгдүгээр эгнээнд тээврийн хэрэгслээ тавьсан жолоочийн автомашины дугуйг түгжих, ачиж зөөвөрлөх ажилтай холбогдуулан  Шударга өрсөлдөөн, хэрэглэгчийн төлөө газраас нийслэлийн удирдлагууд болон нийслэлийн ИТХ-ын Тэргүүлэгчдэд захиргааны хариуцлага тооцож, торгох арга хэмжээ авсан талаар мэдээлэл өгсөн. Энэ талаар нийслэлийн ИТХ-ын Зохион байгуулалтын хэлтсийн дарга Б.АЛТАНСОЁМБО-оос тодрууллаа.

-ШӨХТГ-аас Хотын захиргаа хувийн компаниудтай хамтран хэрэгжүүлж байгаа автозамын нэгдүгээр эгнээнд тээврийн хэрэгслээ тавьсан жолоочийн автомашины дугуйг түгжих, ачиж зөөвөрлөх ажлыг хууль бус гэж үзэн зарим албан тушаалд торгууль ногдуулсан гэсэн. Энэ талаар мэдээлэл өгнө үү?

Мод тарив

Өнөөдөр бүх нийтээрээ мод тарих өдөр өглөө 10 цагаас Үндэсний цэцэрлэгт хүрээлэнд мод тарихаар очлоо.Ажлын албаны хамт олноо олдохгүй болохоор Сайн дураараа мод тарьж байгаа хүмүүсийн талбайд мод суулгаад Мод тарих зөвлөмж, талархлаар шагнууллаа. Ганболд маань Ажлын албаны нэг хүний утсыг арайхийн олж холбогдоод хаана байгааг нь асуусан манайхан хуваарьт талбайдаа модоо тарьчихсан гэнэ. Талбай дээр очиж жаахан ажиллалаа  ИТХ-ын Ажлын албаныхан хамгийн шуурхай сайн ажилсан гэж зохион байгуулагч нь магтаж байна лээ. Жаахан сэрүүхэн ч гэсэн сайхан өдөр сайн үйлсэд оролцлоо гэж НИТХ-ын Ажлын албаны Иргэний оролцооны хэлтсийн зохион байгуулагч Д.Хархүү мэдээллээ.

Ардчилалд иргэдийн идэвхи, оролцоо чухал болох нь сэдэвт эрдэм шинжилгээний бага хурал

Ардчилалд иргэдийн идэвхи, оролцоо чухал болох нь сэдэвт эрдэм шинжилгээний бага хурлыг Монгол улсын Засгийн газрын ХЭГ-ын дэргэдэх Удирдлагын академи зохион байгуулав.

Тус хуралд Монгол Улсын Ерөнхийлөгчийн Тамгын газар, Улсын Их Хурал, Засгийн газар, Засгийн газрын Хэрэг эрхлэх газар, Гадаад харилцааны яам, Монгол Улсын Шинжлэх Ухааны академи, НИТХ-ын Ажлын албаны Иргэний оролцооны хэлтэс зэрэг төрийн байгууллагуудаас гадна ТББ-уудын төлөөлөл, мөн Монголд үйл ажиллагаа явуулдаг Германы байгууллагуудын төлөөлөл бүхий өргөн бүрэлдэхүүнтэй, нийт 120 гаруй хүн оролцсон бөгөөд ХБНГУ-аас Монгол улсад суугаа Онц бөгөөд Бүрэн эрхт Элчин сайд Герхард Тийдеманн өөрийн биеэр хүрэлцэн ирж эрдэм шинжилгээний хурлыг нээж үг хэллээ.

Хурлыг Конрад-Аденауэр-Сангийн Монгол дахь суурин төлөөлөгчөөр шинээр томилогдон ажиллаж байгаа Доктор Даниел Шмюкинг хамтран ажиллагч байгууллагуудтайгаа танилцаж, цаашид хийж хэрэгжүүлэх ажлынхаа талаар ярилцах зорилготой зохион байгуулсан байна. Ардчилалд иргэдийн идэвхи, оролцоо чухал болох нь сэдэвт эрдэм шинжилгээний бага хурлаар шууд ардчилал, иргэдийн оролцооны чиглэлээр сүүлийн жилүүдэд яригдаж буй асуудлуудыг хөндөн ярилцаж, түүнийг ул үндэстэй судалж зөв хөгжүүлэх, олон улсад түгэн дэлгэрсэн оролцооны олон хэлбэр, арга хэрэгслүүдийг туршин нэвтрүүлэх шаардлага байгаа тухай хэлэлцлээ.

Ардчиллыг бэхжүүлэх тайланг боловсрууллаа

Монгол Улсын Их Хурлын Тамгын газраас НҮБ-ын Хөгжлийн хөтөлбөртэй хамтран хэрэгжүүлж буй “Иргэдийн оролцоотой хууль тогтоох ажиллагааг дэмжих нь” төслийн хүрээнд Швейцарын Хөгжлийн агентлагийн санхүүгийн дэмжлэгтэйгээр “Монгол Улсад ардчиллыг бэхжүүлэхэд үндсэн хуулийн гүйцэтгэсэн үүрэг: Дүн шинжилгээ” судалгааны тайланг боловсруулан гаргажээ.