Хиллари Клинтон Төрийн нарийн бичгийн дарга байхдаа хувийн цахим шуудангийн хаягаа албаны харилцаандаа ашиглаж байсан, эсэхийг түүний хуучин болон одоогийн туслахуудыг байцаах замаар тодруулахыг Америкийн Холбооны шүүх зөвшөөрч, тогтоол гаргасан байна. Хиллари Клинтоны архивыг ил болгож, түүний хамгийн ойрын туслахаар олон жил ажиллаж буй Хьюма Абединийг сайн шалгахыг шаардсан олон нийтийн Judicial Watch байгууллагын нэхэмжлэлийг ёсоор болгох хүрээнд шүүгч Эммет Салливан ийм шийдвэр гаргажээ. Тэрбээр олон түмэн аливааг мэдэх эрхтэй хэмээн хэлсэн байна. Баримтуудыг судалж, илчлэх төлөвлөгөөгөө ирэх дөрөвдүгээр сард танилцуулахыг бас үүрэг болгожээ.
Хиллари Клинтоныг шүүхэд дуудах болов уу гэх магаддал одоогоор байхгүй ч шинэ зүйл илрүүлэх, магадгүй хэргийг шүүхээр мөрдөх аюул АН-аас Ерөнхийлөгчийн сонгуульд өрсөлдөхөөр зэхэж буй энэ хүнд заналхийлж байхыг үгүйсгэх аргагүй. Хиллари Клинтон гадаад бодлогын төв байгууллагыг тэргүүлж байхдаа албаны захидал харилцаандаа хувийн цахим шуудангаа ашигладаг байжээ. Мэргэжилтнүүд энэ хаягийг найдвартай хамгаалагдаагүй байж болзошгүй гэж үзээд буй юм. Тийм болохоор мэдээлэл алдагдсан байх аюул байсан нь мэдээж. Албаны чанартай захидал харилцаанд ингэж хандахыг Америкт хатуу хориглодог юм. Энэ журмыг төрийн ажилтнууд бүгд мөрдөх ёстой байдаг.
Ерөнхийлөгчөөр сонгогдсон тохиолдолд Хиллари Клинтоныг хууль зөрчсөн гэж үзэх үү гэж Дональд Трампаас асуусанд Маргаан байхгүй, шударга ёсны үүднээс үүнийг шийдвэрлэх ёстой хэмээн хариулсан байна. Энэ асууддыг мягмар гаригт Конгрессоор ярилцахад Төрийн нарийн бичгийн дарга Жон Керри оролцжээ. Тэрбээр нэгэн Сенатчийн асуултад хариулахдаа албаны нууц харилцаанд цахим шуудан ер ашиглаж байгаагүй. Ажлынхаа өрөөнд байдаг компьютерийг огт нээж үзээгүй гэсэн аж. Албаны ийм харилцаанд ажилтнууд маань миний гарыг хүргэдэггүй, гэхдээ тэд хамгаалалтгүй суваг ашигладаггүй хэмээн сенатчдын нэхэл хатуутай асуултад нэмж хариулжээ.
 |
| John Kerry компьютерээ ашигладаггүй гэнэ. |
No comments:
Post a Comment