Газрын тухай шийдвэр гаргахад иргэд саналаа хүргүүлэх боломжтой

Нийслэлийн Удирдлагын зөвлөлийн ээлжит хуралдаан 08 сарын 29-ний өдөр боллоо. Хуралдаанаар Захирамжийн холбогдох заалт болон газар эзэмших эрхийн гэрчилгээг хүчингүй болгох тухай, Хүй 7 худаг орчмын хэсэгчилсэн ерөнхий төлөвлөгөөний дагуу байршуулан Нийслэлийн ЗДТГ-т аж ахуйн хашааны зориулалтаар 10 га газар эзэмшүүлэх тухай, Өвөлжилтийн бэлтгэл хангах ажлын явцын тухай асуудлуудыг хэлэлцлээ.

Захирамжийн холбогдох заалт болон газар эзэмших эрхийн гэрчилгээг хүчингүй болгох тухай асуудал буюу  Замын цагдаагийн газар болон Авто хяналт ХХК нарын хооронд үүссэн газрын маргааны талаар Улаанбаатар хотын Ерөнхий архитектор бөгөөд нийслэлийн Ерөнхий төлөвлөгөөний газрын дарга Н.Нацагдорж танилцууллаа.

826km аялаад ирлээ.

Улаанбаатар-Лүн-Эрдэнэсант-Сансар-Хөгнөхаан-Өвгөн хийд-Хархорин-Хөшөө Цайдам-Өгийнуур-Хар бухын балгасны туйр-Дашинчилэн-Хустайн нуруу дархан цаазат газраар 826km аялаад ирлээ.

Дэлхийн Хот - Улаанбаатар

Улаанбаатар хотын Захирагчийн ажлын алба, UBS телевизтэй хамтран “Дэлхийн хот -Улаанбаатар” баримтат ток шоу нэвтрүүлэг хийж эхэллээ. Энэ нэвтрүүлэг нь Засаг даргын үйл ажиллагааны хөтөлбөрийг хэрэгжүүлэх ажлын хүрээнд Нийслэлийн хэмжээнд хийгдэж байгаа ажил, арга хэмжээг цогц байдлаар олон нийтэд хүргэх зорилготой. Хотын соёл, Хотын тохижилт, Хог хаягдлын менежмент, Хотын хөгжил гэсэн үндсэн сэдвийн хүрээнд хийгдэж байгаа. Нийслэл хотоо хөгжүүлэхэд иргэд, төрийн болон төрийн бус байгууллагуудын оруулах хувь нэмэр учирч буй хүндрэлийг хэрхэн шийдэхийг баримт түшиглэн ток шоу хэлбэрээр үзэгч олонд хүргэж, хамтдаа шинийг эрэлхийлж байгаа. Эхний нэвтрүүлэг нь нийслэлийн удирдлагууд, Улаанбаатар хотод амьдарч буй иргэдийн хот хэмээх их айлын талаарх бодол, хэрхэн хөгжүүлэх санал бодлыг тусгасан. Хоёр дахь нэвтрүүлгээр ажил амьдралаа зохицуулахад хамгийн их хүндрэл учруулдаг замын түгжрэлийн талаар ярилцан жолооч, зорчигч нарын замын хөдөлгөөнд оролцох соёл ямар байгааг үзүүлсэн. Дараа дараачийн нэвтрүүлгүүдээр худалдаа үйлчилгээний газруудын цагийн хуваарь, гэр хорооллын тохижилт, иргэдийн оролцоотой газрын зураглал хийхийн ач холбогдол, дэд бүтэц төлөвлөлтөнд хэрхэн тусах талаарх нийтийн эрх ашгийг хөндсөн олон сэдвийг хөндөх юм.

Нийслэлийн 76 хороонд иргэдийн оролцоотой газрын зураглал хийж эхэллээ.

Нийслэлийн хороодын амьдрах орчны зураглалыг иргэдийн оролцоотой хийх сургалтыг Улаанбаатар хотын Захирагчийн ажлын алба, Азийн сангаас хамтран зохион байгууллаа. Ажлын хэсгийн бүрэлдэхүүнд орсон Захирагчийн ажлын алба, Азийн сан, нийслэлийн Ерөнхий төлөвлөгөөний газрын мэргэжилтнүүд, Захирагчийн гэр хороолол дахь 10 ажлын албаны дарга, 76 хорооны Засаг дарга, хэсгийн ахлагч, зохион байгуулагч, нийгмийн ажилтнууд сургалтанд оролцлоо.

УБ - Хархорин - Өгий нуур

Улаанбаатар-Лүн-Эрдэнэсант-Сансар-Хөгнөхаан-Өвгөн хийд-Хархорин-Хөшөө Цайдам-Өгийнуур-Хар бухын балгасны туйр-Дашинчилэн-Хустайн нуруу дархан цаазат газар
2013.08.24-28 УБ - Хархорин - Өгий нуур Бүтнээр харах

Сансар

Сансар

Дархан Минжийн уулзвар

Дархан Минжийн уулзварын шинэчлэлийн талаар зорчигчдын яриа

Нийслэлийн хороодын амьдрах орчны зураглалыг иргэдийн оролцоотой гаргах ажлыг зохион байгуулах тухай

2013 оны 08 сарын 20 өдөр                        дугаар А/785                            Улаанбаатар хот

Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 29 дүгээр зүйлийн 29.1.3-ын “д”, 29.2  дахь хэсэг, Нийслэлийн Иргэдийн Төлөөлөгчдийн Хурлын Тэргүүлэгчдийн 2006 оны 44 дүгээр тогтоолыг тус тус үндэслэн ЗАХИРАМЖЛАХ нь:

1. Улаанбаатар хотын гэр хорооллын 92 хороонд  АНУ-ын Азийн сантай хамтран тухайн хорооны иргэдийн оролцоотой газрын зураглал хийх ажлыг зохион байгуулахыг Улаанбаатар хотын Ерөнхий менежер бөгөөд Захирагчийн Ажлын алба /Б.Бадрал/, нийслэлийн Ерөнхий төлөвлөгөөний газар /Н.Нацагдорж/-т тус тус үүрэг болгосугай.

2. Дээрх ажилд шаардагдах 65.070.000 /жаран таван сая далан мянга/  төгрөгийг Засаг даргын нөөц хөрөнгөнөөс гаргахыг Тамгын газар /Ё.Гэрэлчулуун/-т зөвшөөрсүгэй.

3. Дээрх ажлын гүйцэтгэлд хяналт тавьж, хангаж ажиллах, Нийслэлийн Удирдлагын зөвлөлийн хуралд танилцуулахыг Улаанбаатар хотын Ерөнхий менежер бөгөөд Захирагчийн Ажлын албаны дарга Б.Бадралд даалгасугай.

                        НИЙСЛЭЛИЙН ЗАСАГ ДАРГА
                        БӨГӨӨД УЛААНБААТАР
                        ХОТЫН ЗАХИРАГЧ                                           Э.БАТ-ҮҮЛ

11 хороонд иргэдийн оролцоотой газрын зураглал хийж дууслаа.

АНУ-ын Азийн сангийн Улаанбаатар хотын гэр хороолол дахь нийтийн үйлчилгээг сайжруулах хөтөлбөрийн хүрээнд иргэдэд үзүүлж буй нийтийн үйлчилгээтэй холбоотой шийдвэр гаргах үйл явцад иргэд, олон нийтийн оролцоог нэмэгдүүлэх зорилгоор “Иргэдийн оролцоотой газрын зураглал” хийх төслийг 2013 оны 06 дугаар сараас эхлүүлсэн билээ. Өнөөдрийн байдлаар Улаанбаатар хотын төвийн 6 дүүргийн гэр хорооллын 11 хороонд иргэдийн оролцоотой газрын зураглал хийх ажлыг амжилттай дуусгаад байна.

Хөдөлмөрийн дотоод журам

НИТХ-ын Ажлын албаны Хөдөлмөрийн дотоод журам

Монгол Улсын Ерөнхийлөгч Цахиагийн Элбэгдорж танаа

Ачлан өсгөсөн хайрт ээж тань ертөнцийн мөнх бусыг үзүүлсэн явдалд гүн эмнэгэл илэрхийлье.

Сүүн сэтгэлийн дээж болсон ээжийн тань нөмөр нөөлгийг Монголын мянга мянган эхчүүдийн элбэрэл ивээж явах болно

Монгол төрийн тэргүүнийг төрүүлсэн Боржоогийн Хонинхүү ээж маань Өөлүн эхийн адил Монгол түмний хүндэтгэл хүлээсэн, түүхэн хүн, тэргүүн ээж билээ.

Сайхан буурал ээж минь та төд удалгүй Монгол орондоо эргэн төрж хүүгийнхээ тэмцэж зүтгэж олж өгсөн эрх чөлөө аз жаргалтай иргэний нийгэмдээ өсөн жаргахын ерөөл тавья.

Хойчийн зам нь шулуун, арын үйлс нь өөдөө байх болтугай

НИТХ-ын Ажлын Албаны Иргэний оролцооны хэлтсийн хамт олон

Б Баттүвшин
Д Хархүү
Б Ганболд
Ж Хэрлэнтуул
С Энхманлай
Н Болормаа
Г Анхбаяр

Ерөнхийлөгчийн ээж таалал төгслөө

Монгол Улсын Ерөнхийлөгч Цахиагийн Элбэгдоржийн ээж Боржоогийн Хонинхүү өвчний улмаас 92 насандаа 2013 оны наймдугаар сарын 2-ны 11:22 цагт таалал төгслөө.
Тэрээр өөрийн хань Монголын Цахиатай ханилж найман хүү төрүүлж өсгөн 150 гаруй ач, гучаараа хүрээлүүлсэн буянтай буурал байлаа.

Тэнгэрийн оронд одсон азай буурлын маань буян заяа хойч үедээ үлдэж, энх амгалангийн орондоо тайван нойрсох болтугай.

Ум ма ни бад мэ хум
Ум сайн амгалан болтугай.

Монгол Улсын Ерөнхийлөгчийн Тамгын газар

Монгол Улсын Ерөнхийлөгчийн Тамгын газрын Олон нийттэй харилцах, мэдээлэл боловсруулах алба